With this exhibition the artist looked at the different stereotype rolls of a woman.
A variety of material was used in order to portray the stereotypes. The
Afrikaans poems were written by the artist to echo the sculptures.
Abbakind
vir
nege maande
het jy die geskenk gedra
tapisserie van ideale
toneel vir toneel gedroom
hoe sou jy ooit kon weet
die bondeltjie vreugde
gaan jou abbakind word
tapisserie van ideale
mylpaal vir mylpaal gebid
Wasdagblues
Kleur
by kleur en wittes apart
manifes van 'n wasdag koningin
"Kan so min so baie besmeer-
volgende wasdag gaan ek sowaar abdikeer."
Vorm
van haar hart
Ets
teen die blad
die vorm van haar hart
om te kan vermag
meer as die vorm van haar dag
die
lewe te kwas
om gewone weer te laat verras
met
swanedans te vlieg
arabesque oor sprokies verhoog
met
snare te tower
note wat dowe harte verower
met
pennevlug woorde te pantser
wat denke bevry uit donker kerker
met
masker en toneel
ou wêrelde nuwe lewe te beveel
Haar
wens
mag die vorm van haar hart
nooit verslyt
tot ronde niks
Moeder
sonder titel
Jou
oë -
het my leer kyk
na die mooi van
die oggenddou op 'n blaar
Jou
ore-
het my leer luister
na die reënboog klanke
van 'n simfonie
Jou
lippe-
het my leer bid
"Liewe Jesus ek is klein
neem my hartjie en maak my rein"
Jou
glimlag-
het my leer vertrou
-Ja selfs
in die donkerste nag
Jou
traan-
het my leer verstaan
om nie rug te keer
op ander se seer
Sonder
titel of hoë amp
lê jy die fondament
vir my lewe en geloof
Houtkappers
en Waterdraers
Noag
se oordadigheid
met druif se baldadigheid
laat Gam giggel van meerderwaardigheid
tot pappa-las se verontwaardigheid
"Jou
gelag sal jy moet betaal
- houtkapper en waterdraer"
het Noag bepaal
Maar
wee o wee,
vir Gam se giggel
moet vroulief nou betaal
Wandelstaf
'n
Pronkstuk
om mee te spog
'n metgesel
op pelgrimstog
'n
Steun
onder sware vrag
'n rus
na moeisame dag
Meer
werd is sy
as korale vir my
Net
nog 'n dag
Dag
vol vasvat
dag vol voorvat
dag vol doen
dag vol dink
dag
so vol
maar nog nie klaar
voor huismense verklaar
"Dankie, ons is vol."
Alles
die moeite werd
Wanneer
luide trompettertjies
om oorvloed sluit
en vol magies
ooglede loodmaak
- is alles die moeite werd
Wanneer
taai vingertjies
om joune vertrou
en waggelbeentjies
op ontdekkingstogte gaan
- is alles die moeite werd
Wanneer maniertjies
begin na-aap
en droomogies
helde vereer
- is alles die moeite werd
Wanneer
hoekoms
jou laat kopkrap
en eerste liefdes
oë laat skitter
- is alles die moeite werd
Wanneer
kinderkamers
spaarkamers word
en nuwe paaie
met vertroue ontdek word
- is alles die moeite werd
